Ұлан ауданының ең үздік жас келіні анықталды, деп хабарлайды Алтайньюс тілшісі.

«Рухани жаңғыру» бағдарламасының аясында Сағыр ауылында «Аяулы жас келін - 2019» атты келіндер сайысы өтті. Байқау мақсаты – ұмыт қалып бара жатқан әдет-ғұрып, салт-дәстүрлерді жандандыру.

Ауданның бірнеше ауылынан келген жас келіндер бұл сайыста білімдерін сынға салып, қолдан келген өнерлерін аянбады. Тағамның түр-түрін дайындап, көпшілікке дәм татырды.

Қатал әжелердің сынынан сүрінбеген Тарғын ауылдық округінен келген келін Әйгерім Шағиева болды.