Өскемен тұрғынының BMW маркалы көлігін әлдекім айдап кетті, деп хабарлайды Алтайньюс тілшісі.

Тұрғын 3 сәуір күні Қабанбай батыр көшесіндегі үйлердің бірінің ауласына көлігін доғарады. Ойында ештеңе болмаған ол қайта оралып келгенде, көлігін қойған орнынан таппай қалады. Дереу «102»-ге хабарлайды...

Шұғыл іздестіруге кіріседі полицейлер. Барлық тарапқа аттанады. Солардың ішінен «Қыран-40» экипажы қырағылық танытып, «күдіктінің» тақымында ойнап бара жатқан темір тұлпардың ізіне түседі. Ол әуежайға қарай бет түзейді...

Жан жақтан ағылып келген із кесушілер бар күшті салып, тоқтатады көлікті. 29 жастағы қала тұрғыны екен...

– Оның бұрын да сотты болғаны анықталды. Қылмыстық кодекстің 1-бөлім 200-бабына сай, үстінен тергеу амалдары басталды, – деді полиция басқармасының баспасөз қызметкері Әсел Әміренова.