Қазақстан шекарасын заңсыз кесіп өткен  Ресей азаматы Өскемен тұрғынының автокөлігін ұрлап кетті, деп хабарлайды Алтайньюс тілшісі.

21 шілде күні Полиция бөлімшесіне қала тұрғыны қоңырау шалып, белгісіз біреулердің көлігін ұрлап кеткенін хабарлаған. Арызданушы материалдық шығынын 1 500 000 теңгеге бағалады.

– Жедел-іздестіру іс-шаралары барысында 23 шілдеде Ресей Федерациясының 33 жастағы азаматы қолға түсті. Одан ұрланған автокөлік тәркіленіп, жәбірленушіге қолхат арқылы берілді. Аталған факті бойынша ҚР Қылмыстық кодексінің 200-бабы 1-бөлігі бойынша сотқа дейінгі тергеу амалдары жүріп, – деп мәлімдеді Полиция басқармасының баспасөз қызметі.

Сонымен қатар, күдіктінің ҚР Мемлекеттік шекарасын заңсыз кесіп өткендігі анықталды. Осыған байланысты аталмыш факті бойынша ҚР ҚК 392-бабының 1-бөлігі бойынша іс қозғалып жатыр.