Ер адам екі рет көліктің астына түсіп, қаза болды, деп хабарлайды Алтайньюс тілшісі.

Қайғылы оқиға Глубокое ауданының Радужное кентінен Сограға қарай бағыттағы жолда 2 сәуір күні кешкі сағат 20.30-да болды.

- Ravon R4 маркалы автокөлігінің 52 жастағы жүргізушісі Радужныйдан шығып, Сограға қарай бет алған кезде жолда белгіленбеген жермен өтіп бара жатқан жаяу жүргіншіні қағып кеткен, деп мәлімдеді Өскемен полиция басқармасының баспасөз қызметі.

Ер адам соққының салдарынан жолдың үстіне ұшып түскен. Сол сәтте әлгі жермен келе жатқан Nissan көлігінің жүргізушісі тоқтатып үлгере алмай, тағы бір мәрте қағып кеткен екен. Алған жарақаттардың салдарынан ер адам оқиға орнында көз жұмды.

Қазір бұл оқиғаға қатысты сотқа дейінгі тергеу амалдары жүргізілуде.