ШҚО-да тұрғын үй құрылысының көлемі артып келеді.

Биыл облыс аумағында 185 млрд теңгеге 869 мың шаршы метр тұрғын үй салынуда, деп хабарлайды Altaynews тілшісі.

Алдағы үш жыл ішінде шамамен 1 млн шаршы метр тұрғын үй салу жоспарланып отыр екен.

Көппәтерлі үйлер негізінен Өскемендегі 22-ші және 24-ші шағын аудандарда салынып жатыр. Ірі ауылдарда және облыс орталығында «Бір қабатты Шығыс» бағдарламасы бойынша жеке үйлердің құрылысы жалғасуда.

Облыстағы басым бағыт – аз қамтылған көпбалалы отбасылар үшін тұрғын үй салу. Биыл осы мақсатқа 236 пәтер бөлінеді. Алдағы жылы тағы 93 отбасы баспана кілттеріне ие болады.