Шетелден әкелінген бірқатар көліктерді заңдастырудың қажеті жоқ.

Екі күннен кейін шетелдік автокөліктерді заңдастыру басталады. Көлікті заңдастыруға өтінім беру осы жылдың 1 шілдесіне дейін жалғасады, деп хабарлайды Altaynews тілшісі.

Сырттан әкелген шетелдік есептегі жеңіл автокөліктер, шағын автобустар, шағын жүк көліктер, оң жақ рульді автокөліктерді заңдастырудағы талаптар туралы бұған дейін жазған едік.

Шетелдік көліктерді заңдастырудың бизнеске арналған автокөліктерге қатысы жоқ. Оның ішінде жүк таситын ауыр көліктер мен автобустар бар. 

Ауыр жүк көліктері мен автобустар коммерциялық, яғни бизнеске арналған транспорт болғандықтан заңдастыруға жатпайды. Алайда жеке мақсатта қолданылатын болса онда заңдастырылуы тиіс.