ШҚО полицейлері өткен  2022 жылды қорытындылап, алдағы кезеңнің басым бағыттарын белгіледі.

Қорытынды кеңеске ШҚО ПД бастығы Серік Жүнісбеков пен Департамент бастығының орынбасарлары қатысып, өткен кезеңде атқарылған жұмыстар туралы баяндама жасады, деп хабарлайды Altaynews тілшісі.

Департамент бастығы Серік Жүнісбеков өңірдегі жедел жағдай тұрақты екенін, оның күрделену қаупі байқалмайтынын, сонымен қатар, барлық бағыттар бойынша қылмыстың 20,5% - ға төмендегені байқалатынын, қабылданып жатқан профилактикалық шаралар 2022 жылы қылмыстың 26 түрінің төмендеуіне ықпал еткенін атап өтті.

Кеңес соңында жеке құрамға Ішкі істер министрлігі Алқасының негізгі талаптары, жұмыс кешені бойынша белгіленген басым бағыттар жеткізілді, сондай-ақ ШҚО ПД бастығы жедел қызметтік жұмыс көрсеткіштерін жақсарту және Шығыс Қазақстан азаматтарының қауіпсіздігі деңгейін арттыру бойынша нақты міндеттер қойды.