Өскемендегі Шиелі көшесінде жер үй өртенді.

Оқиға 21 ақпан күні кешке болған, деп хабарлайды Altaynews тілшісі.

«Үйдің шатыры және жанындағы шаруашылық құрылысы өртенді. Өрт сөндірушілер үйден екі газ баллонын және 35 ара ұясын алып шықты. Әр ұяда 30 мың ара болған», - деп мәлімдеді ШҚО ТЖД-ның баспасөз қызметі.

Өртті сөндіруге 19 адам және 4 бірлік техника жұмылдырылды. Өрт электр жабдықтарын орнату және пайдалану кезінде қауіпсіздік талаптарын сақтамағандықтан болған.