Өскемен қаласы – еліміздегі ауасы қатты ластанған қалалар тізіміне кіреді.

Экологиялық реттеу және бақылау комитеті төрағасының міндетін атқарушы Айдар Абдуалиев ауасы ең лас 8 қаланы атады, деп хабарлайды Altaynews тілшісі Қазақпаратқа сілтеме жасап.

Сондай-ақ ол ауаның ластану себептерін үш санатқа бөлуге болатынын атап өтті.

Мәселен, Өскемен және Теміртау қалаларында эмиссиялардың ең көп көлемі өнеркәсіпке тиесілі.

Алматы және Астана қалаларында ластанудың негізгі көзі – жылу көздері мен автокөліктер, жеке сектор болса,  Ақтөбе және Атырау қалаларында ескірген кәріз-тазарту құрылыстары жоғары ластануға себеп болған көрінеді.

Өңірлердің экологиялық проблемаларын шешуге бағытталған жол картасы аясында 2025 жылға бірқатар көрсеткішке қол жеткізілмек.