1 маусымдағы дерекке сәйкес, еліміздегі халық саны 19 млн 879 мың адам болды.

Ұлттық статистика бюросының дерегінше, жалпы халықтың 61,9 пайызы немесе 1 2 297 100 адам - қалада, ал 38,14 пайызы немесе 7 581900 адам ауылда тұрады, деп хабарлайды Altyanews тілшісі Қазақпаратқа сілтеме жасап.

2023 жылғы қаңтар-мамырда Қазақстанға келгендер саны 2022 жылғы қаңтар-мамырмен салыстырғанда 91,8 пайызға артып, кеткендер саны 45 пайызға азайды.

Еліміздегі негізгі көші-қон алмасуы ТМД мемлекеттерімен өтуде.

ТМД елдерінен келгендердің және сол елдерге кеткендердің үлесі - 89,5 және тиісінше 72,1 пайызды құрады.

Ел ішінде қоныс аударатын көшіп-қонушылар саны 2,6 пайызға азайды.