Ағымдағы жылдың қаңтар айынан наурыз айына дейін Қазақстаннан басқа елдерге 8 355 адам кетті, деп хабарлайды Алтайньюс тілшісі.

Бұл туралы Ұлттық экономика министрлігінің Статистика комитеті мәлімдеді. ТМД елдеріне кеткендердің жалпы саны 7 455, басқа елдерге 910 адам кетті.

Жекелеген этникалық топтар бойынша сыртқы көші былайша өрбіді: орыстар – 71,9 %, немістер – 6,6%, украиндар – 6,9%, қазақтар, – 4,7%, татарлар – 2,2%, өзбектер – 0,5%, өзгелері – 7,2%.

Ал Қазақстанға келгендер арасында қазақтар көш бастап тұр – 60,5%.

Осылайша, жылдың алғашқы үш айының қорытындысы бойынша көші-қон сальдосы минус 5 179 адам. 2018 жылдың алғашқы үш айындағы көрсеткішпен салыстырсақ, көшіп келгендер саны 8,4%-ға азайды, қоныс аударғандар саны 22%-ға артты.