Өңір тұрғындары арасында мемлекеттік қызметтерді онлайн алу барған сайын танымал бола түсуде.

АХАТ функциялары мемлекеттік корпорацияға өткен сәттен бастап мыңнан астам мемлекеттік қызмет онлайн түрде көрсетілді. Оның ішінде 500-ден астам өтінім балаға арналған алғашқы құжатты проактивті форматта алуға арналған, деп хабарлайды Altaynews тілшісі.

Бұдан басқа, әлеуметтік саланың ең танымал қызметтері мен анықтамалары екінші деңгейлі банктердің мобильді қосымшаларында көрсетілуде. Олардың қатарында бала туғанда және оның күтіміне байланысты жәрдемақы тағайындау, 4 және одан да көп баласы бар көпбалалы отбасыларына жәрдемақы тағайындау және т.б.

Еске салайық, 1 шілдеден бастап АХАТ функциялары «Азаматтарға арналған үкіметке» берілді. Бұл ретте АХАТ қызметтерін тек тіркеуші органның қызметкерлері көрсетеді. Мемлекеттік корпорация қызметкерлерінің, оның ішінде ХҚО операторларының АХАТ ақпараттық жүйесіне қолжетімділігі жоқ.