ШҚО-дағы білім беру нысандарының маңына жасанды жол кедергілері орнатылды
Фото: ШҚО ПД баспасөз қызметі
Облыс көлемінде жаңа оқу жылының басталуы қарсаңында «Назар аударыңыз – балалар!» жедел-профилактикалық іс-шарасы өтіп жатыр.
Аталған іс-шараны өткізу барысында әкімшілік полиция қызметкерлері жалпы білім беру мекемелеріне іргелес жатқан жол учаскелеріне 211 тексеру жүргізді, деп хабарлайды Altaynews тілшісі.
"Қауіпсіздікті қамтамасыз ету мақсатында қалалар мен елді мекендердің көше-жол желісіне 870 жол белгісі орнатылды және ауыстырылды. 98 мектептің жанына "Зебра" көлденең жол белгісі салынды. 86 білім беру нысанында жылдамдық бәсеңдеткіш жасанды жол кедергілері орнатылды", - дейді ШҚО ПД баспасөз қызметі.
Сондай-ақ қозғалыс қауіпсіздігі мақсатында реттелмейтін жаяу жүргіншілер өткелдерінің алдына орнату үшін балалардың 20 макеті дайындалған.
Айта кету керек, жедел-профилактикалық шара 30 қыркүйекке дейін жалғасады.
Оқи отырыңыз
