Тәртіп сақшылары жүргізушілерге үндеу жасады - ШҚО
ШҚО-да “Абайлаңыз, балалар!” кең ауқымды республикалық жедел-профилактикалық іс-шарасы әлі де жалғасуда.
Сондықтан ШҚО ПД мамандары жүргізушілерге жол жүру қағидаларын қатаң сақтауларын сұрап, үндеу жасады, деп хабарлайды Altaynews тілшісі.
“Абайлаңыз, балалар!” кең ауқымды жедел-профилактикалық іс-шарасының негізгі мақсаты - оқу жылының басталуы қарсаңында балалардың жол-көлік жарақаттануының алдын алу, сондай-ақ балалардың көшелер мен жолдардағы қауіпсіз мінез-құлыққа байланысты дағдыларын бекіту.
- Сіздерден жол қозғалысының кәмелетке толмаған қатысушыларының қауіпсіздігін қамтамасыз ету мақсатында жол жүру қағидаларын қатаң сақтауларыңызды сұраймыз! - делінген ШҚО ПД баспасөз қызметінің хабарламасында.
Профилактикалық шара 30 қыркүйекке дейін жалғасады.
Оқи отырыңыз
