Алда ұлттық мереке – Республика күні келе жатыр. Осыған орай өңірімізде «Республика мақтаныштары» жобасы іске қосылды. 

Облыс орталығында паралимпиадалық жарыстарда талай рет ел қоржынына олжа салған спортшы тұрады. Ол – Нұрәлі Советқанов. Ірі додалардан жүлдесіз қайтпайтын жүзудің хас шебері бүгінде республика мақтанышына айналып үлгерді, деп хабарлайды Altaynews.kz тілшісі.

Нұрәлі Советқанов 2021 жылы Жапонияда өткен XVI Жазғы паралимпиада ойындарында ақтық сынға сүрінбей жетті. 2022 жылы ел чемпионатында екінші орынға табан тіреп.

Ал биыл Қазақстанның паралимпиада ойындарында қарсыластарға дес бермеген шебер алтыннан алқа тақты. Оған қоса Германияда болған жүзуден Әлем кубогы сериясында 2 және 3 үшінші орындарға иелік етті.

Қазір Нұрәлі Советқанов Қытайда болатын Азия параойындарында өнер көрсетуге дайындалып жатыр.

IV Азия параойындарында 43 елдің атынан 4000-нан астам спортшы сынға түсетінін айта кетейік. Қазақ елінің намысын қорғайтын 131 саңлақ спорттың 14 түрі бойынша бақ сынап көреді.