Риддер қаласында күн райының бұзылуына байланысты бастауыш сынып оқушыларының сабағы тоқтатылды.

Кенді қалада қазір жел ұйытқып соғып тұр. Екпінді жел кейбір ғимараттардың шатырын ұшырып әкеткен көрінеді, деп хабарлайды Altaynews.kz тілшісі.

Сондықтан қалалық білім бөлімі бастауыш сынып оқушыларын (бірінші ауысым) сабақтан босату туралы шешім қабылдапты. Білім мекемесіне жетіп үлгерген балалар үйге мектеп автобусымен қайтып жатыр.