Жаңа жыл қарсаңында кішкентай Азиманың арманы орындалды.

Ұлан ауданы Таврия орта мектебінің мектепалды даярлық сыныбында оқитын бүлдіршін ел Президенті Қасым-Жомарт Тоқаевқа хат жолдап, велосипед армандап жүргенін жазған, деп хабарлайды Altaynews.kz тілшісі.

Бүгін Ұлан ауданының әкімі Думан Рахметқалиев Таврия ауылына барып, Азима Қорпобаеваны ел Президентінің атынан құттықтады. Балақайдың армандаған сыйлығын табыс етті. Мемлекет басшысынан сыйлық алған қыздың қуанышында шек болмады.