Жаңа жылда әлемдегі ең қуатты армиялардың тізімі жаңартылды. Globalfirepower.com сайтында жарияланған әлемдік әскери күштің рейтингі бойынша Қазақстан 145 елдің ішінде 58 орынды иемденді.

Бұл туралы өткен аптада Түркия Радио Телевизия порталы хабарлады. АҚШ-тың «Global Firepower» әскери статистикалық сайты жасаған рейтингіде Қазақстан армиясы 58-орынға тұрақтады, деп хабарлайды Altaynews.kz тілшісі.

Globalfirepower.com сайтында жарияланған әлемдік әскери күштің рейтингі бойынша Қазақстан 145 елдің ішінде 58 орынды иемденді.Тізім бойынша қазақ әскері Орталық Азиядағы ең күшті армия атанды. Түркиялық басылымның дерегінше, Қазақстандық әскерилер рейтингіде еліміз бес сатыға көтеріліп, әскери қуаттылық рейтингінде 58-орынға орналасқан.

2023 жылы Қазақстан армиясы 63-ші орында болатын. Қазақстан армиясының қорғаныс шығындары 7,5 миллиард АҚШ долларын құрады. Әскери қызметкерлердің жалпы саны 300 мың адамға жетті.

«Тізімде Өзбекстан 65-ші, Қырғызстан 100-ші, Тәжікстан 107-ші орында тұр. Рейтингіде сарапшылар 145 елді әскери бөлімдердің саны, қаржылық жағдай, технологиялық даму, географиялық орналасуы және мобильділік сияқты 60 түрлі фактор бойынша бағалады», - деп жазады түркиялық БАҚ.

Жанаргүл Мұқатай