Өткен 2023 жылы «Азаматтарға арналған үкімет» мемлекеттік корпорациясының ШҚО бойынша филиалы онлайн форматта 2000-нан астам заңды тұлғаларды тіркеді.

Өңірлік филиал директорының орынбасары Гульфайра Нұржанованың айтуынша, мемлекеттік қызметтерді автоматтандыру және оңтайландыру үдерісінің арқасында бизнесті тіркеу процедурасын жеделдету мүмкін болған, деп хабарлайды Altaynews.kz тілшісі.

Егер бұрын өтініш беруші мемлекеттік органға 5 және одан да көп құжатпен келіп, тіркеуді алу үшін деректерді тексеруді 5 күнге дейін күтетін болса, бүгінгі күні электронды түрде барлық рәсім бір күннен аспайды және ешқандай құжат талап етпейді.

Естеріңізге сала кетейік, 2023 жылдың қаңтарында заңды тұлғалардың атаулары мен мекенжайларына онлайн түзетулер енгізу қызметі іске қосылған болатын.