Қазақ руханиятына елеулі үлес қосқан белгілі ақын Серік Ғабдуллинның есімі жалпақ жұртқа жақсы таныс. Қаламгер Өскеменде «Шабыт» ақындар мектебінің негізін қалап, ұстаздық жолда ұмытылмас із қалдырған тұлға.

 Бүгінді ақын шығармашылығын насихаттау мақсатында көптеген іс-шаралар өтіп келеді. Соның бірі дәстүрге айналып келе жатқан «Ғабдуллин оқулары» байқауы. Биылғы «Ғабдуллин оқулары – 2024» байқауына 100-ге жуық адам қатысты, деп хабарлайды Altainews.kz тілшісі.

Пушкин атындағы облыстық кітапхананың ұйымдастыруымен өткен байқауға әр санат бойынша мектеп оқушылары, студенттер және көркем сөзге қызығушылық танытқан ересектер қатысты.

Байқау жеңімпаздары марапат, кубок және ақшалай сыйлықтармен марапатталды.

Серік Ғабдуллин ақын, Қазақстан Республикасы Жазушылар одағының мүшесі, Өскемен қаласының Құрметті азаматы, бірнеше жыр жинақтың авторы. Өскемендегі «Шабыт» ақындар мектебінің негізін қалаушы.