Наурыз айында өтетін ұлттық бірыңғай тестілеуге қатысу үшін 27 ақпаннан бастап өтініш беру қажет, деп хабарлайды Altainews.kz тілшісі.

Талапкерлер Ұлттық тестілеу орталығының app.testcenter.kz. сайтында немесе UTO қосымшасы арқылы тіркеледі. Қатысушылар тестілеу өткізілетін орынды, күнді және уақытты өздері таңдай алады.

Тестілеу уақыты – 4 сағат (240 минут). Ерекше білім беру қажеттіліктері бар балалар үшін қосымша 40 минут уақыт беріледі.

Өтініштер 10 наурызға дейін қабылданады.