Еуразиялық экономикалық комиссия өнеркәсіп өнімдері мен коммуналдық тарифтердің есебін жариялады, деп хабарлайды Altainews.kz сайты. 

Биыл қаңтарда былтырғы жылдың дәл осы кезеңімен салыстырғанда еуразиялық экономикалық одақта өнеркәсіп өнім өндірушілерінің бағалар индексі — 117,7%.

2023 жылғы желтоқсанға қарағанда өнеркәсіп орындарындағы баға 1,3%-ке төмендеді. Соның ішінде кен өндіру мен карьер қазу саласында бағалар 5,1%-ке, ал өңдеу өнеркәсібінде 0,1%-ке түсті.

Ал электр энергиямен қамтамасыз ету, газ беру мен кондициялау қызметтері 0,5%-ке өсті.

Қазақстанда коммуналдық қызметтердің бағасы күрт өсті. Мәселен, энергиямен қамтамасыз ету, газ беру мен жылу 4%-ке көтерілсе, сумен қамтамасыз ету, кәріз жүйесі мен қалдықтарды жинау қызметтері 1,6%-ке қымбаттады.