Қазақстанда маусымдық көкөністер арзандап, есесіне жармалардың бағасы өсті, деп хабарлайды Алтайньюс тілшісі.

Energyprom сарапшыларының сөзіне сенсек, әлеуметтік маңызы бар азық-түліктерді қоса алғанда жармалар айтарлықтай қымбаттады: тары 6,6%-ға, күріш бағасы 3,1% -ға өсті; сұлы жармасының бағасы 1,4% - ға, арпа және ұнтақ жармасының бағасы тиісінше 1,2% және 1,1%-ға өсті. Ал қарақұмық жармасының бағасы керісінше, бір айда 0,6%-ға төмендеген.

Сонымен қатар, сұрыпты бидай ұны айына 1,6% -ға, бірінші сұрыпты бидай ұны 0,2%-ға қымбаттады. Макарон өнімдері, нан бағасы да 1% -ға өсті.