Шығыс өңірінің түлегі Батырхан Төлеуғали Париж Олимпиадасына жолдама алды, деп хабарлайды Altainews.kz тілшісі.

Ұлттық құрамадағы ең жас таеквондошы Қытайдың Тайань қаласында өтіп жатқан лицензиялық турнирде топ жарды. Жерлесіміз шешуші айқас – жартылай финалда Сауд Арабиясының өкілі Әли Мабрук әл-Мабруктан басым түсті. Есеп: 2-0.

Батырхан бұған дейін Акшай Худаны (Үндістан) айқын басымдықпен ұтқан. Бұл Ұлттық құраманың таеквондодан алғашқы жолдамасы екенін айта кеткен жөн.

Суреттер: ШҚО спорт басқармасы