Шығыс өңірінде ертең күн райы қолайсыз болады. Қазгидрометтің өңірлік филиалының ақпаратына сүйенсек, жел екпіні секундына 15-18 метрге дейін жетеді, деп хабарлайды Altainews.kz тілшісі.

Болжам бойынша 2 сәуірде түстен кейін облыстың солтүстігінде жауын жауып, жел екпіні 15-18 м\с болмақ. Сондай-ақ өңірдің шығысында тұман күтілуде.

Ауа райына байланысты ШҚО ТЖД облыс тұрғындарына мынадай кеңес береді:

- екпінді жел кезінде сымдар мен тербелетін заттарға жақындамаңыз, автобус аялдамаларының артына, ағаштардың астына тығылмаңыз;

- арықтар мен бұлақтардың арналарын  тазалаңыз;

- үй аумағын (қап, топырақ, құм, саз) үймелеу үшін қолда бар материалды дайындаңыз.

Төтенше жағдай кезінде «112» телефоны бойынша хабарласыңыз.