Ертең, 2 ақпанда Шығыс Қазақстан облысының батысында, солтүстігінде және шығысында бұрқасын болады деп болжануда, деп хабарлайды Altaynews.kz тілшісі.

Оңтүстік-шығыстан соғатын жел оңтүстік-батысқа ауысады, облыстың батысында, солтүстігінде және шығысында желдің екпіні 15-20 м/с.

Өскемен қаласында 2 ақпанда күндіз бұрқасын болуы ықтимал. Оңтүстік-шығыстан соғатын жел оңтүстік-батысқа ауысады, күндіз желдің екпіні 15-18 м/с.

 ШҚО ТЖД еске салады:

• елді мекендерден шықпаңыз;
• жылдамдық режимі мен қашықтықты сақтаңыз;
• жаяу жүргіншілер асықпай, құлап қалудан сақтанғаны жөн;
• желдің екпіні кезінде сымдар мен тербелетін заттарға жақындамаңыз;
• автобус аялдамаларының артына, ағаштардың астына тығылмаңыз;
• төтенше оқиғалар  туралы «101» немесе «112»-ге қоңырау шалыңыз.

Айжанат Бақытқызы