Қазгидрометтің өңірлік филиалының ақпаратына сүйенсек, бүгін облыстың батысында, солтүстігінде және шығысында бұрқасын соғады, деп хабарлайды Altainews.kz тілшісі. 

Оңтүстік-шығыстан соғатын жел оңтүстік-батысқа ауысады. Өңірдің солтүстігі мен шығысындағы аудандарда жел екпіні 17-22 м/с болады.  

Мамандардың айтуынша, облыс орталығында да жел күшейеді. 

 ШҚО ТЖД еске салады:

- елді мекендерден шықпаңыз

- жылдамдық режимі мен қашықтықты сақтаңыз

- жаяу жүргінші болсаңыз, құлап қалудан сақтаныңыз, асықпаңыз 

- жел екпінді кезде сымдар мен тербелетін заттарға жақындамаңыз

- автобус аялдамалары мен ағаштардың тасасына тығылмаңыз

- төтенше жағдай бола қалса, " 101 "немесе" 112"-ге қоңырау шалыңыз.