80 білім беру ұйымында оқу онлайн өтіп жатыр
pexels.com
Оның ішінде 55 мектепте эвакуациялық пункт орналасқан.
Оқу-ағарту министрлігі өңірлердегі жағдайға тұрақты түрде мониторинг және үйлестіру жұмыстарын жүргізіп отыр, деп хабарлайды Altainews.kz сайтының тілшісі министрліктің ресми өкілі Мереке Нұрмұханованың ОКҚ брифингіндегі ақпаратына сүйеніп.
Министрлік өкілдері республикалық және өңірлік жедел штабтардың құрамында жұмыс жасауда. Жедел ақпаратқа сәйкес, бүгінде 80 білім беру ұйымдарында оқу онлайн форматында жүргізілуде. Оның ішінде 55 мектеп эвакуациялық пункт болып айқындалған. Бұл мектептердегі бала саны – 7255. Бұл туралы ҚР ОАМ ресми өкілі Мереке Нұрмұханова ОКҚ брифингінде хабарлады.
- Интернет жылдамдығы нашар ауылдық мектептерді Starlink жүйесіне қосу бойынша жұмыстар жүргізілуде. Сондай-ақ, министрдің тапсырмасы бойынша 6 сәуірден бастап 11 балаларды сауықтыру орталықтарына зардап шеккен өңірлерден балаларды қабылдау басталды. Мұнда оқу процесі қатар ұйымдастырылады. Балаларды қабылдаудың алғашқы күнінде Ақмола облысындағы «Жасдәурен» балаларды сауықтыру орталығы 80-нен астам баланы қабылдады, - деді спикер.
Оқи отырыңыз
Су басқан аймақтардағы мектептерде сабақ онлайн форматқа көшіріледіСу тасқынынан зардап шеккен өңірлердегі оқушыларға сауықтыру орталықтарына жолдама беріледіБиыл 6 жасқа айы толмай тұрған балалар бірінші сыныпқа қабылдана беретін болдыҚазақстанда балалар үйі болмайдыБалаларды сауықтыру ұйымдарының электронды тізілімі жасалады
