Семейде екі жеңіл көлік соқтығысып, бір адам оқиға орнында қайтыс болды, деп хабарлайды Алтайньюс тілшісі.

Облыстық полиция департаментінің мәлімдеуінше, жол апаты 19 қазан түнінде болған.

– «Mazda» маркалы автокөлікті мас бола тұра тізгіндеген 34 жастағы жүргізуші Селевин көшесінен шығып Бозтаев көшесіне қарай бет алып келе жатқан. Көлік рульіне ие бола алмаған азамат бағдаршамда тұрған Lexus RX-330 автокөлігін келіп қаққан. Жол-көлік оқиғасының салдарынан «Mazda»-да отырған 31 жастағы жолаушы көз жұмды, – деп мәлімдеді ШҚО ПД.

Жүргізуші ұсталып, уақытша ұстау изоляторына қамалды. Қылмыстық кодекстің 345-1-бабының 3-бөлігі бойынша сотқа дейінгі тергеу басталды.