Елімізде әлемдік талапқа сай келетін әжетхана екеу-ақ
Мәдениет және спорт вице-министрі Ерлан Қожағапанов республикалық маңызды жолдар бойындағы қызмет көрсету орындары әлемдік талаптарға мүлде сай келмейтіндігін атап өтті.
– Туристер, өзгесін былай қойып, жол бойындағы әжетханаға да барғысы келсе бара алмайды. Себебі талапқа сай емес. Жуықта еріктілерге тапсырма берілген еді, олар мұқым республика бойынша барлық талапты қанағаттандыратын екі-ақ әжетқананы анықтапты. Олар Астананың әуежайы мен вокзалында, – дейді вице-министр.
Ерлан Қожағапанов мемлекеттік органдар мен кәсіпкерлер тізе қосып, бұл істі реттеуі керектігін айтты. Айтысынша, әр 50 шақырым сайын бір әжетхана болғаны лазым.
– Бірақ, жоғарыда айтқанымыздай, олар талапқа сай болсын. Ыстық су кіргізілсін, – деді вице-министр.