Бүгін "Қазцинк" ЖШС-нің Риддердегі кенішінде қайғылы жағдай болды. Жүк көлігіне қысылып қалған кенші көз жұмды, деп хабарлайды Алтайньюс тілшісі.

Бұл оқиғаны Риддер қалалық ішкі істер бөлімі растады. Әзірге белгілі болған ақпараттарға сүйенсек, кеншінің аяғындағы қан тамыры зақымданып, көп мөлшерде қан жоғалтқан екен. Қазіргі сәтте арнайы комиссия құрылып, оқиғаның мән-жайы анықталып жатыр.

- "Қазцинк" басшылығы қаза болған азаматтың туған-туысына қайғырып көңіл айтады. Марқұмды шығарып салу рәсіміне қажетті қаражат кәсіпорын тарапынан өтеледі, - дейді "Қазцинк" ЖШС баспасөз хатшысы..