«Менің мектебім» акциясының аясында Үлкен Бөкен орта мектебінің түлегі Қайролла Қайсанов аталмыш білім ошағындағы кабинеттерді жабдықтауға қаржылай қолдау көрсетті.

Үлкен Бөкен орта мектебінде физика, химия, биология кабинеттері заманауи құрал-жабдықтармен жабдықталып, робот техникасы сыныбы ашылады.

-Туған жердің көркеюіне үлес қосу - әрбір адамның перзенттік борышы. Елбасымыз айтқандай, «Туған жер» бағдарламасы жалпыұлттық патриотизмнің нағыз өзегіне айналуы тиіс. Меніңше, аға буын өкілдері жастардың бойына адамгершілік, қамқорлық, мейірімділік сияқты қасиеттерді сіңіре білуі үшін өздері үлгі көрсетулері шарт, - дейді Қайролла Қайсанов.