Шығыс Қазақстан облысында Семей-Бахты бағытында кетіп бара жатқан жолаушылар автобусында өрт шықты, деп хабарлайды Аltaynews.kz тілшісі.

Облыстық ТЖД-нің баспасөз мәлімдемесіне сәйкес, Үржар-Бахты тас жолының 149 шақырымында «Volvo-В12» маркалы рейс автобусы салонының жанатын бөліктері тұтанған. Зардап шеккендер жоқ.

Мамандар өрт қауіпті агрегатты абайсыз қолданудан шығуы мүмкін деген болжам айтады.
Қазір келген шығын мен кінәлілер анықталып жатыр.