Шығыс Қазақстан облысы Өскемен қаласы әкімдігі Қазақстан Жазушылар одағымен бірлесе отырып, 2013 жылдың 29-30 тамыз күндері IV халықаралық «Шығыс шынары -2013» атты дәстүрлі халықаралық мүшәйрасын өткізеді, деп хабарлайды Аltaynews.kz тілшісі.
Қазақстанның «жауһары» атанған кенді Алтайдың келбетін, өндірістің ордасы болған Шығыс Қазақстанды дәріптеу мақсатында өткізілетін мүшәйра биыл бес тақырыпты қамтитын болады. Олар: Астананың 15 жылдығы, атақты әнші Әміре Қашаубаевтың 125 жылдығы, Халық Қаһарманы, партизан жазушы Қасым Қайсеновтың 95 жылдық мерейтойы, көрнекті жазушы-драматург Оралхан Бөкейдің 70 жылдық мерейтойы мен Шығыс Қазақстан мен Өскемен туралы жыр жолдары.
Ұйымдастырушылардың айтуынша, биыл бас бәйгеге 1 200 000 теңге байланып отыр. Бірінші орынға 800 000 теңге, 600 000 теңгеден 2 екінші орын, 400 000 теңгеден 3 үшінші орын тағайындалған. Бұдан басқа бірнеше арнаулы және ынталандыру жүлделері де бар.
