Шығыс Қазақстан облысы бойынша ТЖД-нің қызметкері Валерия Цой сноуборд бойынша өткен Әлем кубогында 2014 жылы Сочиде өтетін қысқы Олимпиада ойындарына қатысушылардың бірі болатынын дәлелдеп берді, деп хабарлайды Аltaynews.kz тілшісі.


Жерлесіміз жарыстарда 29 орын алғанына қарамастан мамандар бұл көрсеткіштің жоғары рейтингке жататынын айтады.

-Қазір мен үшін ең бастысы ұпай жинап, көрсеткіштерімді жақсарта түсу, – дейді спортшы қыздың өзі. –Алдағы жылғы жаттығулар кестесі толығымен бекітілген. Бұл өте маңызды, себебі Сочиде өтетін Олимпиадаға жолдама осы аралықта беріледі. Қаңтар айында Әлем чемпионаты тосып тұр.

Біз спортшы жерлесімізге тек сәттілік тілейміз.