Биыл Сочи-2014 қысқы Олимпиада ойындарында сенім артар саңлақтарымыздың есімдері анықталады. Біздің облыстың спортшылары Қазақстан құрамасының сапында қатысуға берілетін жолдаманы иелену үшін аса маңызды халықаралық жарыстарға қатысып жатыр, деп хабарлайды Аltaynews.kz тілшісі.

Солардың арасында шаңғышылар Алексей Полторанин, Сергей Черепанов, фристайлшылар Юлия Галышева, Юлия Родионова, Дмитрий Рейхерд биылғы маусымды жақсы бастап, жарыстарда көрсеткен нәтижелері бойынша жеңімпаздар мен жүлдегерлер қатарында келеді.

Жанкүйерлер қауымы Лондон олимпиадасындағы еліміздің абыройын асқақтатқан саңлақтарымыздың тамаша дәстүрін Сочи олимпиадасына қатысушылар одан ары жалғастырар деген ыстық ықыласпен жаңа жылғы тілектерін білдіріп те жатыр.