Биыл Шығыс Қазақстандық спортшылар жерлестерін толағай жеңістерімен қуантып жүр. Тағы да бір додада асығымыз алшысынан түсті, деп хабарлайды Алтайньюс тілшісі.

Грек-рим күресінен Ресейдің Пермь қаласында ардагерлер арасында өткізілген Әлем чемпионатында Үржар ауданының тумасы Ербол Қоңыратов алтын медаль иеленді.

Жарыстың шарты бойынша бұл бәсекеге тек 35 пен 40 жас аралығындағы тіс қаққан балуандар қатыса алды. Барлық сайыпқырандардың бірнеше жылдық тәжірибелері бар. Сондықтан дәл осы жаһандық турнирдегі әрбір жекпе-жек тартысқа толы болды.