Мемлекеттік қызмет істері агенттігі Президенттік жастар кадрлық резервіне іріктеу жарияланған болатын. Ұлттық комиссияның шешімімен 50 адам резервке алынды.

Оның құрамында ШҚО-ның екі бірдей тұрғыны бар, деп хабарлайды Altaynews.kz тілшісі.

«Сыртқы саясат және инвестициялар» саласы бойынша үміткер атанған Ерасыл Бақытжанов облыс орталығының тумасы. Ол Сүлейман Демирель атындағы университетті «Құқықтану» мамандығы бойынша бітіріп, 2017 жылы Лондондағы оқу орындарының бірінде «Құқық» мамандығының магистрі атанған.

Ал «Цифрландыру» саласын резервке түскен Талапжан Қауашев Катонқарағай ауданында дүниеге келген. Д.Серікбаев атындағы ШҚТУ-да «Геодезия және картография» мамандығында білім алып, магистратураны сол оқу орнында «Экономика» мамандығы бойынша тәмәмдаған.

Өз салаларында үздік атанған жас мамандармен бүгін ШҚО әкімі Ермек Көшербаев кездесті. Өңір басшысы олардың алдында маңызды міндеттер тұрғанын алға тартып, бейінді бағыттар бойынша көптеген жобаларды іске асыру қажеттігін атап өтті.

Жастарда өздеріне жүктелген жауапкершілік жүгі ауыр екенін сезінеді.