Күршім ауданы ПБ кезекші бөлімінің «102» жедел арнасына Ақсуат ауылының 49 жастағы тұрғыны хабарласып, қыркүектің 13-нен 14-не қараған түні белгісіз тұлға үйінің ауласында орналасқан азық-түлік дүкенінің терезесінің шынысын сындырып, 35 625 теңге сомасына темекі мен сағыз ұрлап кеткенін айтты.

Оқиға орнына шыққан жедел-тергеу тобы іс-шаралар жүргізу барысында күдіктіні анықтады. Ол Ақсуат ауылында тұратын 8-сынып оқушысы болып шықты.

- Ата-анасының қатысуымен жасөспірімнен жауап алу барысында, ол ата-анасы ұйықтап қалғаннан кейін көшеге шыққанын түсіндірді. Қылмыс жасалғаннан кейін кәмелетке толмаған ұрланған заттарды иесіз үйге жасырып кеткен. Заттай дәлелдемелер тәркіленді. Жасөспірім кінәсін толық мойындады, - деп хабарлайды ШҚО ПД баспасөз қызметі. 

Аталған факті бойынша ҚР ҚК-нің 188-бабы 3-бөлігі бойынша сотқа дейінгі тергеу басталды.