23 сәуірде Алтай қ.ПБ «102» жедел арнасына 45 жастағы қала тұрғыны жүгініп, белгісіз адамның гараждың құлпын сындырып, кіріп, құны 50 000 теңге тұратын «Racer» мопедін ұрлап кеткенін хабарлады.

Жедел-іздестіру іс-шараларын жүргізу барысында криминалдық полиция қызметкерлері бұл қылмысты «ізін суытпай» ашты. Ұрлыққа қатысы бар деген күдікпен 15 жасар жасөспірім жеткізілді. Жауап алу барысында жасөспірім кінәсін мойындап, ұрланған көлікті қайтарды.

- Қазіргі уақытта кәмелетке толмаған бала ата-анасына тапсырылды. ШҚО Полиция департаменті ата-аналарға балалармен қылмыстық құқық бұзушылық жасауға жол бермеу мақсатында тұрақты негізде профилактикалық әңгімелер жүргізу қажеттігін ескертеді, деп хабарлайды ШҚО ПД баспасөз қызметі.

Аталған факті бойынша ҚР ҚК-нің 188-бабы 3-бөлігі 3-тармағы бойынша сотқа дейінгі тергеу амалдары жүргізілуде.