Әлеуметтік желілерде бұрынғы Ұлттық экономика министрі Қуандық Бишімбаевтың колониядан қашып кеткені жайлы жалған мәліметтер таралғаны анықталды. Бұл хабарларға байланысты қылмыстық іс қозғалып, тергеу амалдары басталды,- деп хабарлайды Altainews.kz тілшісі ҚАЖК баспасөз қызметіне сілтеме жасап.

Қылмыстық-атқару жүйесі комитетінің баспасөз қызметі ресми түсініктеме беріп, жалған ақпарат таратқандардың жауапқа тартылатынын мәлімдеді. ҚАЖК азаматтарға тек ресми дереккөздерге сенуге шақырып, жалған мәлімет таратудың заңсыз екендігін еске салды.