ШҚО бойынша №16 қылмыстық атқару жүйесі мекемесінен сотталған адам қашып кетті, деп хабарлайды Altaynews тілшісі.

Полиция дереу іздеуге кірісіп, бір сағат ішінде қашып кеткен адам ұстады. Ол қарақшылық жасағаны үшін бас бостандығынан айырылған. Ал қазір ҚР ҚК-ның 426-бабы бойынша сотқа дейінгі тергеу жүргізіліп жатыр. Тәртіп сақшылары Қылмыстық іс жүргізу кодексінің талаптарына сәйкес тергеу жайлы ақпарат жария етілмейтінін мәлімдеді.

ШҚО бойынша қылмыстық атқару жүйесі департаменті қызметтік тексеру жүргізеді.