Серебрянскідегі салтанат: жас сарбаздар Отан алдында ант берді - ШҚО
Серебрянск қаласындағы 97638 әскери бөлімінде еліміздің түкпір-түкпірінен жиналған 90-ға жуық жас сарбаз Қазақстанның тұтастығы мен бейбіт өмірін қорғауға салтанатты түрде әскери ант берді, деп хабарлайды Altainews.kz тілшісі.
— Ұлымның әскери ант қабылдау сәтін көру — мен үшін өмірімдегі ең үлкен мақтаныштардың бірі. Бір ай бұрын бозбала болып аттанған еді, бүгін Отан қорғаушы ретінде алдымда тұр. Оның бойынан сенімділік пен ерік-жігерді көріп, жүрегім қуанышқа толды, - деді сарбаздың анасы Зейнап Мұратқызы.
Жас жауынгерлерге артылған міндет пен жауапкершілік – Отанға адал қызмет ету.
— Бүгінгі күн мен үшін ұмытылмас. Біз ел алдында жүрегімізбен ант бердік. Ант — тек сөз емес, болашақтағы әр ісімізге жауапкершілік артатын уәде. Өз борышымды адал өтеуге уәде беремін, - деді Санжар Бүркітбай
Салтанатты шараға келген ата-аналар бір айда өзгеріп, әскери тәртіпке бой үйреткен балаларын көріп таң-тамаша болды. Шараға қатыса алмаған туыстары сарбаздармен онлайн байланысқа шығып, жүрекжарды тілектерін жолдады.
Оқи отырыңыз
