«Шығыс»: Сарбаздары қатары толықты
Өскемен гарнизонының 27943 әскери бөлімінде 400-ден астам сарбаз әскери ант қабылдады, деп хабарлайды Altainews.kz тілшісі.
Отан алдындағы борышын шығыс өңірінде өтеуге келген сарбаздар еліміздің 14 облысынан жиналған.
- Әскери борышты өтеу – әрбір азаматтың құрметті міндеті. Қазақстанда Қарулы күштер ұлттық қауіпсіздік пен тұрақтылықты қамтамасыз етуде шешуші рөл атқарады. Ант қабылдау – бұл әр сарбаздың өз елін қорғауға, кез-келген жағдайда оған адал болуға дайындығын білдіретін әрекет, - деді 27943 әскери бөлім командирі полковник Азамат Абікенов.
Ант қабылау рәсіміне дейін сарбаздар алғашқы әскери дайындық курсынан өтіп, қарумен жұмыс істеудің, тактикалық дайындықтың негізгі дағдыларын игерген.
-Әскер қатарына шақырылғалы біз әскери өмірмен, өзімізге жүктелген міндеттермен таныстық. Осы бір жыл көлемінде Отанымды абыроймен қорғап, өзіміздің әскери саладағы біліміміз бен біліктілігімізді шыңдай түсеміз деген ойдамын, - деді қатардағы жауынгер Бекзат Әріпбаев.
Оқи отырыңыз
