2025 жылғы 1 шілдедегі мәліметке сәйкес, еңбек күші артық өңірлерден еңбек күші жетіспейтін өңірлерге ерікті түрде қоныс аудару аясында 2 202 адам көшіп барған. Олардың қатарында 1 091 қандас және 1 111 қоныс аударушы бар. Барлығына мемлекеттік қолдау шаралары көрсетілді. Жыл соңына дейін тағы 9 653 адамды көшіру жоспарланып отыр, деп хабарлайды Altainews.kz Еңбек және халықты әлеуметтік қорғау министрлігіне сілтеме жасап.

Қоныс аударушылардың орналасу өңірлері бойынша:

• Павлодар облысына – 672 адам,

• Солтүстік Қазақстан облысына – 532 адам,

• Қостанай облысына – 330 адам,

• Ақмола облысына – 215 адам,

• Шығыс Қазақстан облысына – 214 адам,

• Абай облысына – 145 адам,

• Атырау облысына – 90 адам,

• Ұлытау облысына – 4 адам көшірілген.

Қандастар негізінен келесі елдерден қоныс аударған:

• Өзбекстан – 396 адам,

• Моңғолия – 310 адам,

• Қытай – 286 адам,

• Ресей – 52 адам,

• өзге елдер – 47 адам.

Келгендердің 790-ы еңбекке қабілетті жаста болса, соның ішінде 374 адам тұрақты жұмысқа орналасқан, 10 адам кәсіпкерлікпен айналысып жатыр. Қоныс аударушылар денсаулық сақтау, ауыл шаруашылығы, білім беру, өнеркәсіп және өзге де салаларға жұмысқа орналасқан.

Ол М.Қозыбаев атындағы СҚМУ-ды химия пәні мұғалімі мамандығы бойынша тәмамдаған. Келген соң Келлеровка орта мектебіне мамандығы бойынша жұмысқа орналасқан. Қазір бала күтіміне байланысты демалыста.

Мемлекеттік қолдау шаралары:

• Көшуге арналған субсидия: отбасы мүшесінің әрқайсысына 70 АЕК мөлшерінде бір реттік төлем;

• 12 ай бойы жалдамалы тұрғын үй мен коммуналдық төлемдерге ай сайынғы субсидия: отбасы құрамына және елді мекенге байланысты 15-тен 30 АЕК-ке дейін;

• Қысқа мерзімді кәсіптік оқытуға жолдау;

• Жұмыспен қамтуға немесе кәсіпкерлікті дамытуға қолдау;

• Экономикалық мобильділік сертификаттарын беру.

Сонымен қатар қоныс аударуға қолдау көрсеткен жұмыс берушілерге де ынталандыру ретінде қызметкерді тұрғын үймен қамтамасыз етіп, кемінде 2 жылға тұрақты жұмысқа алған жағдайда 400 АЕК көлемінде бір реттік субсидия қарастырылған.

Дмитрий Чжан