Сейсенбі, 15 шілде күні Өскеменде және Шығыс Қазақстан облысының өзге өңірлерінде күн ашық болып, жауын-шашынсыз жылы ауа райы күтіледі. Облыс орталығында ауа температурасы күндіз +26°С-қа дейін көтеріледі, деп хабарлайды Altainews.kz.

Gismeteo сайтының хабарлауынша, Өскеменде таңертең ауа температурасы +13°С шамасында болса, сағат 8:00-ден кейін біртіндеп жылынып, түсте +25°С-қа, ал сағат 14:00-17:00 аралығында +26°С-қа жетеді. Кешке қарай ауа температурасы +20°С, түнде +15°С болады.

Жел жылдамдығы 1-3 м/с аралығында, түске қарай солтүстік және солтүстік-батыстан соққан жел екпіні 6-7 м/с-қа дейін жетеді.

Облыстың өзге аудандарында да ауа райы ұқсас болады: күн райы ашық, жауын-шашынсыз, ал желдің бағыты мен екпіні шамамен бірдей деңгейде сақталады.

Мұндай жайлы күн тұрғындар мен қонақтар үшін табиғат аясында демалу мен ашық аспан астындағы іс-шараларға қолайлы.