Өскемен қаласында Жас жол қозғалысы инспекторларының республикалық жиыны өтуде. Іс-шараға Қазақстанның барлық облыстарынан және Қырғыз Республикасынан келген оқушылар қатысып жатыр, деп хабарлайды Altainews.kz тілшісі.

Балалардың жол-көлік оқиғаларынан зардап шегу деңгейін төмендетуге бағытталған ауқымды шараны Ішкі істер министрлігі Білім министрлігімен бірлесіп ұйымдастырған. Өкінішке қарай, жол-көлік оқиғаларында ең жиі зардап шегетіндер – балалар, бұл көрсеткіш жыл сайын азаймай келеді.

Сол себепті алдын алу жұмыстарының басты бағыттарының бірі – өсіп келе жатқан ұрпақтың құқықтық сауаттылығын арттыру. Қазақстанда мектеп оқушыларына жолда қауіпсіз жүріс-тұрыс негіздерін үйрету жүйесі белсенді енгізіліп жатыр. Елдегі мектептердің көпшілігінде Жас жол қозғалысы инспекторларының (ЖЖҚИ) жасақтары жұмыс істейді – олардың саны шамамен 5 мыңды құрайды, онда ондаған мың оқушы тартылған.

Бүгінде ЖЖҚИ – жай ғана мектеп үйірмесі емес, бүкіл ел бойынша 70 мыңнан астам оқушыны біріктіретін ірі балалар мен жасөспірімдер қозғалысына айналды.

Алдын алу жұмыстарының басым бағыттарының бірі – өсіп келе жатқан ұрпақ арасында құқықтық және жол қозғалысы сауаттылығын арттыру. Балаларға жол қозғалысы ережелерін үйретуге ерекше назар аударылады.

Айта кетейік, биылғы республикалық жиынға еліміздің 20 өңірінен келген 200-ге жуық қатысушы жиналды. Қуантатыны – бұл іс-шара халықаралық деңгейге шықты, оған Қырғыз Республикасы да қосылды. Барлық қатысушылар – 5-8-сынып оқушылары. Жұмыс жалпы білім беретін мектептер базасында педагогтар, мектеп инспекторлары және полиция қызметкерлерінің белсенді қолдауымен жүргізіліп жатыр.

Дмитрий Чжан

Фото: Жібек Нұрахмет

Видео: Евгений Щетников