Жыл басынан бері 118 бала жол апаты салдарынан қайтыс болды, 123 сәби суға кетті, деп хабарлайды Алтайньюс тілшісі.

ҚР ІІМ баспасөз қызметінің мәлімдеуінше, ағымдағы жылы 312 жасөспірім өз-өзіне қол жұмсаған және оның 108-і көз жұмған. Сондай-ақ тұрғын үй секторындағы өрт кезінде 16 бала қаза тапқан екен.

– Құрметті ата-аналар, жолда жүру дағдыларын қалыптастырудың негізгі тәсілі – баланы үнемі қадағалау. Үлкендердің өздері жол ережесін сақтап үлгі болуы керек. Ағымдағы жылы жол-көлік оқиғаларында 118 бала қаза тауып, 2 275 бала түрлі дәрежедегі жарақат алды. Сондай-ақ Ішкі істер министрлігі азаматтарды өз балаларын үйде қараусыз қалдырмауға шақырады, –деп мәлімдеді ведомствоның баспасөз қызметі.