Қазақстанда транзиттік жүк тасымалын жеңілдетіп, «жасыл дәліз» қағидаты бойынша барлық жағдай жасау тапсырылды. Осыған байланысты алдағы үш жылда ел аумағындағы 32 шекаралық өткізу бекеті кезең-кезеңімен жаңғыртылмақ, деп хабарлайды Altainews.kz тілшісі 24.kz сілтеме жасап.

Биылдың өзінде сегіз бекетке жөндеу жүргізіледі. Мәселен, Батыс Қазақстан облысында Ресеймен шектесетін алты нысан бар. Соның ішінде ең ірісі – «Тасқала» бекеті тамыз айының басынан бері жабық тұр. Құрылыс аяқталған соң мұнда тәулігіне 10 мыңға дейін адам, 5 мыңға дейін көлік өте алады. Бұрын бұл көрсеткіш тиісінше 6 мың және 3 мың болатын. Сондай-ақ, заманауи рентген аппараты орнатылады. Жобаның жалпы құны – 21 млрд теңге.

Келесі жылдары басқа бекеттер де кезекпен жаңартылады.