Өскеменде жол қозғалысы ережелеріне арналған ерекше шоу-бағдарлама бастау алды. Интерактивті іс-шараны қала полиция басқармасы  әкімдікпен және «Юбилейный» кинотеатрымен бірлесіп ұйымдастырды, деп хабарлайды Altainews.kz тілшісі Polisia.kz сайтына сілтеме жасап.

Шараның алғашқы күнінде 500-ден астам оқушы қамтылды. Балалар викториналарға қатысып, жолда қауіпсіз жүріп-тұру ережелерін ойын түрінде меңгерді. Бағдарлама соңында анимациялық фильм көрсетіліп, жас көрермендер полиция қызметкерлеріне өздерін қызықтырған сұрақтарын қойды.

Сонымен қатар кинотеатр алдындағы алаңда патрульдік автокөліктер мен қоғамдық тәртіпті қамтамасыз етуге арналған арнайы техника көпшілік назарына ұсынылды.

Еске сала кетейік, ЖҚЕ-шоуы «Юбилейный» кинотеатрында 8 қазанға дейін күн сайын балалар мен ата-аналар үшін ашық болады.